Beint: Úrslitaleikur Dusty í NLC

Dusty mætir X7 í úrslitaviðureign NLC í Berlín.
Dusty mætir X7 í úrslitaviðureign NLC í Berlín. Skjáskot/NLC

Rafíþróttaliðið Dusty er í Berlín að spila úrslitaviðureignina í NLC í tölvuleiknum League of Legends gegn X7 Esports.

Viðureignin hófst klukkan 15 en leikmenn Dusty hafa beðið hennar af mikilli eftirvæntingu.

Mótshaldarar útveguðu Dusty æfingaaðstöðu í Berlín þar sem þeir hafa getað æft og undirbúið sig undanfarna daga.

„Hér eru allar aðstæður eins og best verður á kosið og hugsað er fyrir öllum smáatriðum,“ segir fulltrúi Dusty í samtali við mbl.is og bætir við að stemningin sé bara mjög góð.

Keppa við fyrrverandi liðsfélaga

Samkvæmt veðbönkum er X7 líklegra til sigurs og hefur unnið nokkuð margar viðureignir í röð, en það hefur Dusty gert líka.

Sigra þarf þrjá leiki af fimm til að bera sigur úr býtum í viðureigninni.

„Eftir að Viking gekk til liðs við þá, hafa þeir verið óstöðvandi. En Viking er fyrrverandi leikmaður hjá Dusty og er hans beðið með mikilli eftirvæntingu hérna í Berlín.“

Hér að neðan má horfa á úrslitin í beinni útsendingu.

Á hvernig tölvu spilar þú oftast ?

  • Borðtölvu
  • Fartölvu
  • PlayStation
  • Xbox
  • Nintendo Switch
  • Í snjallsíma
mbl.is