Almenni Bikarinn í Overwatch er að fara aftur af stað eftir sumarið og er skráning í Almenna Helgarmótið 2 í Overwatch nú opin.

Helgarmótið 2 í Overwatch er hluti af mótaröð Almenna Bikarsins og skiptist niður í tvær deildir, þá opna- og úrvalsdeild. Er þetta síðasta mótið í Almenna þar sem keppt verður í Overwatch 1 þar sem Overwatch 2 kemur út í október.

Skráning í Opnu deildina er opin fram á miðvikudag, 7. september, en skráning í Úrvalsdeildina er opin fram að 14. september.

Geta spilað sig upp í Úrvalsdeildina

Viðureignir í Opnu Deildinni eru spilaðar næstu helgi, 10. og 11. september og fær sigurvegari Opnu deildarinnar tækifæri til þess að keppa á Úrvalsdeildarmótinu.

Viðureignir í Úrvalsdeildinni eru spilaðar seinni helgina, 17. og 18. september.

Keppendur geta, líkt og áður, valið um að skrá heilt lið til leiks eða sem einstaklingur. Nánari upplýsingar sem og skráningu má nálgast með því að fylgja þessum hlekk. 

Kynnast öðrum spilurum

Áhugasamir geta einnig nálgast upplýsingar eða komið sér í samband við aðra íslenska Overwatch-spilara í gegnum Discord-rás íslenska Overwatch-samfélagsins, eða jafnvel með því að kíkja á Overwatch-mótið í dag.

Helgarmót í Overwatch hefst í hádeginu í dag en það er óháð Almenna Bikarnum. Mótið hefst klukkan 12:30 og verður keppt fram á kvöld.

Frétt af mbl.is

Keppt í Overwatch í Kópavogi um helgina

Tengdar fréttir

Overwatch

Fylgst með íslenskum leikmönnum

• Ísland nýtir pláss Araba vel
• Stal nafninu af bróður sínum
• Yngsti stuðningsmaðurinn aðeins eins árs
• „Þetta var eins og í draumi“

» Fleiri tengdar fréttir

Rafíþróttir á Íslandi

Ísland nýtir pláss Araba vel

• Heldur á nýjar slóðir með Atlantic og Rósu
• „Manni fannst þetta bara draumi líkast“
• Var vængmaður Edda þegar hann kynntist konunni
• Ökuþórar fagna liðnu ári í Kópavogi

» Fleiri tengdar fréttir

• Blogga um frétt