Breiðabliki spáð sigri í deildinni
Setja bókamerki
Tengdar fréttir
Rafíþróttir á Íslandi
Nú, í aðdraganda leiktíðar Arena-deildarinnar fengu Rafíþróttasamtök Íslands leikmannaspá frá öllum liðum úrvalsdeildarinnar til þess að setja fram heildarspá fyrir tímabilið, sem hefst á miðvikudaginn.
Leikmenn hittust nýlega í opnunarveislu í Arena og ræddu við starfsmenn RÍSÍ og spáðu í spilin.
Hefndarhugur, spenna og systkinaslagur
Vert er að nefna að liðin Midnight Bulls og Þór líta á hvort annað sem sinn helsta andstæðing á komandi tímabili.
Í umspilskeppninni fyrir úrvalsdeildina tapaði Pushin P. á móti Breaking Sad. Engu að síður komst liðið inn í Arena-deildina þar sem KR sagði sig úr keppni á síðasta tímabili - og skildi þar af leiðandi eftir sig autt sæti.
Vegna þess segjast leikmenn Pushin P. vera í hefndarhug gagnvart Breaking Sad.
Eins er nokkuð um systkini sem keppa á tímabilinu. Ousic og Toni Chris eru bræður sem spila hvor í sínu liðinu. Ousic spilar fyrir Þór en Toni fyrir Midnight Bulls.
Keppnislið mæta síðan tvíburunum Bobba og Haxfaðir, en þeir spila saman í Midnight Bulls.
Ljóst er að spennandi tímar eru framundan í Arena-deildinni, en Breiðabliki er spáð sigri á deildinni. LAVA Esports er spáð öðru sæti og Þór því þriðja.
Hér að neðan má sjá heildarspá fyrir tímabilið.
1. sæti: Breiðablik
2. sæti: LAVA Esports
3. sæti: Þór
4. sæti: Midnight Bulls
5. sæti: 354 Esports
6. sæti: Pushin P.
7. sæti: Breaking Sad
8. sæti: BluelaGOONS
Tengdar fréttir
Rafíþróttir á Íslandi
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi
Hernaðaraðstoð samþykkt – Vopnasendingar í vikunni
„Skýr skilaboð til Seðlabankans“
Verðbólgan komin niður í 6%
Fara ekki lengur fram á einangrun yfir Davíð
Hönnun sem bætir líf manna