Nú fer hver að verða síðastur til þess að kveðja lansetrið Ground Zero þar sem setrinu lokar í næstu viku eftir tuttugu ára starfsemi.

Frétt af mbl.is

Ground Zero kveður eftir 20 ára starfsemi

Lansetrið Ground Zero hóf rekstur fyrir tuttugu árum síðan. Á merkinu er mynd af lukkudýrinu Ellu. Grafík/Ground Zero

Lokadagar setursins eru ráðnir og verður spilað í hinsta sinn á Ground Zero þann 29. október, á laugardaginn í næstu viku.

Setrið verður opið fram á rauðanótt á lokakvöldinu eins og vaninn er um helgar, eða til klukkan 03:00.

Þá verður músin endanlega lögð á hilluna, eftir tuttugu ára ævintýri.

Myndir og munir til sölu

„Komdu og upplifðu alvöru lan-stemningu með fjölbreyttasta leikjaúrvalinu sem sést og mun sjást á Íslandi,“ segir í tilkynningu frá Ground Zero ásamt þakkarkveðjum.

Þar að auki eru allir munir staðarins til sölu, myndir og fleira sem hægt er að benda starfsfólki á og bjóða í.

Skemmtileg stemning hefur myndast í húsinu upp á síðkastið eins og vænta mátti, er því ráð að hafa hraðar hendur til þess að tryggja sér einhverja muni frá staðnum.

Tengdar fréttir

Rafíþróttir á Íslandi

Fylgst með íslenskum leikmönnum

• Ísland nýtir pláss Araba vel
• Heldur á nýjar slóðir með Atlantic og Rósu
• „Manni fannst þetta bara draumi líkast“
• Var vængmaður Edda þegar hann kynntist konunni

» Fleiri tengdar fréttir

• Blogga um frétt