Frá Brasilíu beint til Finnlands
Setja bókamerki
Stórt Counter-Strike mót er nú í gangi í Espoo í Finnlandi þar sem tólf lið eigast við í keppni um rúmlega fjórtán milljónir íslenskra króna.
Keppnin er stutt en þéttsetin liða sem eru með bestu liðum heims en þar má telja upp lið á borð við Astralis, Fnatic og BIG.
Stórmótið nýbúið
Ekki er komin vika síðan stórmótið í Brasilíu kláraðist og því hafa sum lið þurft að hafa hraðar hendur að koma sér frá Suður-Ameríku og til Finnlands.
Mótið er haldið í Espoo sem er í um 25 mínútna fjarlægð frá höfuðborg Finnlands, Helsinki.
Sigurstranglegir í keppninni
Liðið Astralis, sem var um sinn besta lið heims í skotleiknum, er talið sigurstranglegasta liðið í keppninni.
Liðið rétt svo missti af plássi á stórmótinu og hefur verið að æfa stíft á meðan mótið stóð yfir til þess að reyna sýna hvað þeir geta.
Astralis skrifuðu nýlega undir kaup á fyrrum leikmanni þeirra Nicolai „dev1ce“ Reedtz sem skipti yfir til liðsins Ninjas in Pyjamas en þurfti skömmu eftir félagsskiptin að draga sig úr keppni vegna kvíða og kulnunar.
Dev1ce leikur þó ekki með Astralis á Elisa Masters en liðsstjóri Astralis taldi það of snemmt fyrir hann að koma inn í liðið sem hefur æft án hans allt árið.
Á föstudaginn hefjast átta liða úrslit mótsins og úrslitaleikurinn fer fram næstkomandi sunnudag.
Sýnt er frá mótinu á Twitch-síðu Elisa Masters.
Benda á Samgöngustofu sem bendir út í heim
Mikil skjálftavirkni á landinu áhyggjuefni
„Menn eru bara búnir að forgangsraða“
Kveðst tala af virðingu: „Ég er enginn dóni“
Innviðir þandir og álagið „gríðarlegt“
„Tíminn er runninn út fyrir Kristján Loftsson“
Stóraukið fé til samgöngusáttmála