Íslenska Blast umspilið er búið að bjóða upp á Counter-Strike veislu síðustu daga og mun brátt koma í ljós hvaða lið sigrar umspilið og heldur áfram á næsta stig.
Í kvöld munu eigast við liðin Ármann og Dusty. Dusty hefur náð góðum úrslitum í neðra leikjatré umspilsins eftir að hafa tapað 2-0 gegn Saga Esports.
Lið Ármanns datt úr efra leikjatrénu á sama hátt og Dusty, með 2-0-tapi gegn Saga Esports.
Sigurlið kvöldsins spilar gegn Saga Esports í úrslitum og geta þá bæði lið reynt að ná fram hefndum.
Hægt er að fylgjast með þessum æsispennandi leik Ármanns gegn Dusty í kvöld á Stöð 2 Esport og Twitch. Útsending hefst klukkan 19.45