Annað tímabil tölvuleiksins Fortnite er að ganga í garð og eru margir gríðarlega spenntir fyrir því að uppfæra leikinn og hefja spilun. Nýr kafli hófst fyrir nokkrum mánuðum síðan þegar kafli 4 tímabil 1 kom út og hefur leikurinn fengið einskonar endurnýjun lífdaga með vel heppnuðum uppfærslum í kafla 4.

Gengur vel

Margir gamlir spilarar hafa kveikt á leiknum á ný og fundið gleði sína í spiluninni. Nú eru einungis nokkrir klukkutímar í að nýja uppfærslan fer í loftið en ekki er kominn endanlegur tími á hvenær það mun gerast.

Leikurinn liggur niðri þegar greinin er skrifuð en ólíklegt er að það muni standa lengi yfir enda vilja framleiðendur kveikja á leiknum og vefversluninni sem fyrst. Spilarar mega búast við nýum vopnum sem koma í leikinn og breytt útlit á eyjunni sem keppt er á.

Búast við fjölda spilara

Þegar Epic Games kveikja á netþjónum Fortnite á ný með nýju uppfærslunni er þó ekki víst að allir sem vilja geti kveikt og byrjað að spila um leið.

Það er þekkt með fyrri uppfærslum að spilurum er hleypt inn í hollum svo netþjónarnir hrynji ekki svo búast má við smá töfum eftir að uppfærslan er keyrð í gang. 

Nýju vopnin sem koma með uppfærslunni eru:

• Kinetic Blade - nýtt sverð sem slær andstæðingum burt frá þér
• Havoc Suppressed Assault Rifle - nýr riffill með hljóðdeyfi
• Havoc Pump Shotgun - Ný kraftmikil haglabyssa 
• Overclocked Pulse Rifle - nýr sjaldgæfur riffill

Sverðið. Skjáskot/Fortnite

Nýi riffillinn. Skjáskot/Fortnite

Nýja haglabyssan. Skjáskot/Fortnite

Sjaldgæfi riffillinn. Skjáskot/Fortnite

Tengdar fréttir

Fortnite

Google nálægt því að kaupa Fortnite

• Samfélagsmiðlastjarnan mætt til leiks
• Hætta að spila nokkrum vikum eftir útgáfu
• Dregið úr krafti sprengjanna
• Fastur á handriðinu eftir galla

» Fleiri tengdar fréttir

• Blogga um frétt