Keypti heilt hverfi fyrir fjölskyldu og starfsfólk

Ein vinsælasta YouTube-stjarna heimsins, Jimmy Donaldson, betur þekktur sem MrBeast er þekktur fyrir að fara í öfgar, en oft á góðan hátt. Hann hefur gefið út myndbönd á YouTube í nokkur ár þar sem hann gefur af sér peninga eða greiðir læknishjálp fyrir einstaklinga sem þurfa á því að halda.

Milljónir fylgjenda og áhorfenda

Myndböndin hans eru með yfir 40 milljarða áhorfa samanlagt sem er eitt það mesta á miðlinum. Nýlega gaf hann út myndband þar sem hann greiddi aðgerð fyrir blinda og sýndi þar nýja hlið á sjálfum sér en hann er vanur að gefa dýra hluti eins og einkaþotu eða bíla –eða bara peninga. 

Frétt af mbl.is

1.000 blindir fengu sjónina (myndband)

Frétt af mbl.is

Samfélagsmiðlastjarna kynnir stærsta verkefni lífs síns

Nú hefur MrBeast keypt heilt þorp í iðnaðarbænum Greenville í Norður-Karólínu. Greenville er uppeldisstaður MrBeast og því furða fáir sig á staðsetningunni. Hann sjálfur keypti sér hús í hverfinu árið 2018 og hefur nú undanfarna mánuði boðið í húsin í kringum sitt eigið.

MrBeast á nú 5 af 6 fasteignum hverfisins en hann segir síðustu eigendur síðasta hússins vilja búa þar áfram enda góður skóli í nágrenninu sem börnin ganga í. Hann segir einnig að markmiðið sé að geta boðið fjölskyldu sinni og starfsfólki að flytja í húsin og vera nær sér. 

• Blogga um frétt