Du­sty Ís­lands­meistari í Coun­ter Stri­ke

„Við mættum bara reddí og þetta var ekki mikið stress og við vorum bara tilbúnir,“ sagði Þorsteinn Friðfinnsson, einn lykilmanna Dusty, eftir að liðið varð Íslandsmeistari í Counter Strike með 3:1 sigri á Þór í úrslitaviðureign Ljósleiðaradeildarinnar í kvöld.

Þrátt fyrir nokkuð afgerandi lokatölurnar var úrslitakeppnin æsispennandi og mikil stemning og tilfinningahiti í áhorfendum sem troðfylltu Arena á Smáratorgi þar sem liðin mættust.

Frétt af mbl.is

Hefur mölvað Þórsara áður

Þór komst í úrslit með sigri á liði Ármanns á þriðjudaginn en Dusty stimplaði sig síðan sannfærandi inn með því að leggja Veca í seinni undanúrslitaleiknum á fimmtudaginn.

Þórsarar urðu að gera sér 2. sæti Ljósleiðaradeildarinnar að góðu eftir 3:1 tap gegn Dusty.

Bæði liðin ætluðu sér ekkert annað en sigur í kvöld en Þorsteinn var sjálfsöryggið uppmálað í viðtali í beinni útsendingu eftir undanúrslitaleikinn á fimmtudaginn þegar hann gerði ekki mikið með að mæta Þór loksins í úrslitaleik á stóru sviði og sagðist hafa „mölvað“ Þórsara áður.

Frétt af mbl.is

Spennuþrungin veislu­g­leði

„Þetta var bara rétt sem ég sagði. Maður hefur mölvað þessa gæja oft áður og bara heldur því áfram,“ sagði Þorsteinn vígreifur og sigursæll, nýstaðinn upp frá stafrænum vígvellinum.

• Blogga um frétt