Fernando Alonso hefur verið útskrifaður af sjúkrahúsi í Barcelona eftir að hafa dvalist þar undir læknishendi og til eftirlits í fjóra sólarhringa frá æfingaslysi í Katalóníu sl. sunnudag.

Lögðu læknar til við við útskriftina að Alonso taki ekki þátt í lokalotu bílprófana formúluliðanna sem hófst í Barcelona í dag. Leysir danski varamaðurinn Kevin Magnussen hann af.

Að sögn talsmanns McLaren hélt Alonso af spítalanum til foreldrahúsa á Spáni þar sem hann mun hvílast næstu daga.

Móðir Alonso, Ana Diaz (t.h.), og unnusta hans Lara Alvarez sóttu ökumanninn á spítalann í Barcelona og fylgdu honum heim. mbl.is/epa

Tengdar fréttir

Formúla-1/bílprófanir

Ökumenn Red Bull á toppnum

• Segja bíl Red Bull fljótari en Mercedes
• Verstappen tók toppsætið
• Mikill munur á Bottas og Hamilton
• Ricciardo fljótastur

» Fleiri tengdar fréttir

• Blogga um frétt