FIA aðvarar Verstappen
Setja bókamerki
Max Verstappen hlaut „milda aðvörun“ fyrir framferði sitt á kappakstursbrautinni er keppnisstjóri Alþjóða akstursíþróttasambandsins (FIA), Charlie Whiting, tók hann á eintal í Monza í gærmorgun.
Þetta staðfestir liðsstjóri Red Bull, Christian Horner. Verstappen átti í útistöðum við ökumenn Ferrari í fyrstu beygju kappakstursins í Spa-Francorchamps síðasta sunnudag og varðist síðan grimmdarlega öllum tilraunum Kimi Räikkönen til að taka fram úr honum síðar í kappakstrinum.
„Charlie var áhugasamur um að sýna honum upptökur. Hann hlaut mildilega aðvörun og honum tjáð, að æki hann eins aftur yrði honum refsað,“ sagði Horner. Hann bætir við að hann vilji sjá Verstappen áfram aka sókndjarft. „Hin óskoraða grimmd hans er það sem gerir hann svo aðlaðandi ökumann. Við gleymum því oft að hann er aðeins 18 ára og bara á þriðja ári í bílakappakstri,“ segir Horner.
Baldur: „Ég ætla að svara þessu kalli“
Bifreið ekið á skrifstofu Útlendingastofnunar
Mest spennandi kosningar í áratugi
Sáttur við sína stöðu og finnur fyrir meðbyr
Moses Hightower og Prins Póló gefa út eyjalag
Myndir: Reynir við heimsmet í Hlíðarfjalli í dag