Haas ræður Magnussen
Setja bókamerki
Tengdar fréttir
Formúla-1/Renault
Haasliðið bandaríska tilkynnti formlega rétt í þessu að það hefði ráðið Danann Kevin Magnussen sem ökumann á næsta ári.
Segir í tilkynningu frá Haas, að samningur Magnussen gildi til nokkurra ára, án þess að það sé tilgreint nánar. Mun hann keppa við hlið franska ökumannsins Romain Grosjean.
Magnussen þreytti frumraun sína hjá McLaren árið 2014 og komst á verðlaunapall í sínu allra fyrsta móti. Árið eftir, 2015, vék hann fyrir Fernando Alonso og tók í staðinn við starfi þróunar- og varaökumanns.
Í fyrra var Stoffel Vandoorne tekinn fram yfir Magnussen og þar með voru dagar hans hjá McLaren taldir. Hljóp á snærið hjá honum er Renault yfirtók Lotus og bauð honum starf, sem frátekið var fyrir Pastor Maldonado. Sá gat þó ekki staðið við samninga þegar á reyndi vegna brotthlaups styrktaraðila og var þá Magnussen kallaður til.
Magnussen hefur skorað stig í tveimur mótum í ár, í Rússlandi og Singapúr.
Tengdar fréttir
Formúla-1/Renault
Eyjafjarðarbraut lokað vegna alvarlegs umferðarslyss
„Höfum ekki náð að skríða upp úr þeirri gryfju“
Gígbarmurinn hækkað frá því í gær
Banna mengandi búnað sem leyfður er á Íslandi
Skemmtiferðaskip hætt komið nærri Viðey
Shakespeare fannst í skókassa
Telur forsendur fyrir vaxtalækkun
Væri að ljúga ef ég segðist ekki stressaður