Williams varð í dag fyrst formúluliðanna í ár til að sýna keppnisbíl sinn, FW40 eins hann heitir. Stendur talan fyrir fertugasta árið sem Williams mætir til keppni í formúlu1.

Bíllinn ber þess merki að nýjar tæknireglur eru komnar til skjalanna með breytingum á breidd bílanna, hæð og stærð fram- og afturvængja og breiðari dekkjum.

Búist er við að bílarnir verði mun hraðskreiðari í ár en undanfarin ár, verði allt að fimm sekúndum fljótari með dæmigerðan kappaksturshring. Breytt straumfræði bílanna ásamt fjórðungi breiðari dekkjum er ætlað að ná því fram.

Ökumenn Williams í ár verða Felipe Massa og Lance Stroll.