Ross Brawn, formúlustjórinn nýi, vill aðeins sjá bestu ökumenn heims hverju sinni sem keppendur í formúlu-1. Það þýði í hans huga að fá að sjá fleiri ökumenn á borð við Max Verstappen.

„Verstappen er augljóslega spennandi partur af formúlu-1,“ segir Brawn. Hann segir slag þeirra félaganna hjá Red Bull hafa hrifið sig í fyrra. „Það er frábær glíma í gangi hjá Red Bull milli  Verstappen og Daniel Ricciardo.

Draumurinn er að fá fleiri ökumenn eins og  Verstappens í formúluna. Ekki misskilja mig, það er góður standard á ökumönnunum í formúlu-1, en væru ekki til staðar viðskiptalegir hagsmunir einstakra liða þá gæti standardinn verið enn hærri,“ segir Brawn einnig. Hann sagði lausnina felast í því að gera liðunum óþarft að verða sér úti um ökumenn sem kæmu með verulegt styrktarfé með sér.

Tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• Blogga um frétt