Mercedesstjórinn Toto Wolff segist ekki þeirrar trúar að Ferrari hafi beitt brögðum til að færa Sebastian Vettel sigur í Mónakó á kostnað Kimi Räikkönen.

Vettel náði forystunni með því að bíð a mun lengur með dekkjaskipti en Räikkönen. Eftir það reyndist Vettel mun hraðskreiðari á notuðu setti af ógurmjúkum dekkjum en Räikkönen á nýju og ónotuðu setti af ofurmjúkum dekkjum, sem eru ögn harðari en mjúkdekk Vettels.

Vettel segir að aðstæður hefðu spilast honum í hag og engum brögðum hafi verið beitt til að bæta stöðu hans í keppninni við Lewis Hamilton hjá Mercedes um heimsmeistaratitil ökumanna.

Toto Wolff segist sammála landa sínum Vettel. „Það var ekki á hreinu hvernig dekkin myndu spjara sig. Í ljós kom að ofurmjúku dekkin voru ekki nógu hröð og fyrir tilstilli nokkurra frábærra hringja tókst Sebastian á notuðum ógurmjúku dekkjunum að ná yfirhöndinni gegn Kimi.

Ég held ekki að þeir hafi séð hvernig þetta myndi leggjast út. Þegar öllu er á botninn hvolft voru úrslitin þau bestu fyrir liðið og titilkeppnina, en ég held þetta hafi ekki verið neitt ráðabrugg,“ segir Wolff.

Hamilton er aftur á móti á annarri skoðun og segir augljóst af niðurstöðunni í Mónakó, að Ferrari hafi tekið Vettel fram yfir Räikkönen.

Ferrari er nú með 17 stiga forskot á Mercedes í keppni bílsmiða og Vettel með 25 stiga forskot á Vettel í keppni ökumanna.

Tengdar fréttir

Formúla-1/Ferrari

Ferrari hefur lært lexíu

• Vettel á því að geta landað titli
• Vettel semur við Aston Martin
• Bítast um Vettel
• Arftaki Binotto sagður fundinn

» Fleiri tengdar fréttir

• Blogga um frétt