Ron Dennis hefur formlega skorið á öll bönd við McLarenliðið sem hann stofnaði á sínum tíma. Hefur hann selt öll hlutabréf sín í fyrirtækinu sem rekur annars vegar formúluliðið og hins vegar sportbílasmiðju.
Dennis segist hafa náð samkomulagi um bréfasöluna við sameigendur sína á McLaren Technology Group og McLaren Automotive. Hann stýrði liðinu og fyrirtækjunum um 35 ára skeið en varð undir í valdabaráttu í fyrra, 2016.
Seldur Dennis bréfin McLaren Group, nýju eignarhaldsfélagi McLaren Technology Group og McLaren Automotive.
Meirihlutaeigendur McLaren Group verða eignarhaldsfélag í Barein, Mumtalakat Holding Company og TAG Group. Sjeik að nafni Mohammed bin Essa Al Khalifa verður starfandi stjórnarformaður.
Dennis varð sjötugur í síðasta mánuði.