Haas sýnir bílinn fyrst liða

Haas-liðið birti í gærkvöldi myndir af keppnisbíl sinn fyrir komandi formúlumót. Hefur hann fengið tegundarnafnið VF-18 og segir í tilkynningu að um sé að ræða áframþróun VF-17 bílsins frá í fyrra.

Haas var í áttunda sæti liðanna í fyrra með 47 stig eða 18 stigum meira en á fyrstu keppnistíð liðsins í formúlu-1, 2016.

Stofnandinn Gene Haas segir að mestu breytingarnar frá fyrra ári hafi verið að laga svonefnda hjálmhlíf að bílnum þannig að loftstraumurinn um bílinn versni ekki og vængpressa minki ekki. Í megin atriðum hafi við hönnun hans verið reynt að útrýma veikum blettum í yfirbyggingu og undirvagni og styrkleikar efldir.

Þannig væri búið að snurfusa bílinn verulega og væntir Haas að hann hafi meira í toppliðin að gera í ár en undanfarin  tvö.

Vegna hjálmhlífarinnar hefur lágmarksþyngd bílsins aukist og þyngdarpunktur hans hefur hækkað frá jörðu vegna staðsetningar hlífarinnar. Það er vandi sem er sameiginlegur öllum liðunum.

• Blogga um frétt