Lewis Hamilton leggur allt í sölurnar til þess að vinna heimsmeistaratitil ökumanna einnig í ár sem í fyrra.

Hefur Mercedesliðið í því sambandi leitað á náðir lækna sem eru sérfræðingar í svefnvandamálum. Hjá þeim hafa verið fengin ráðið um hvernig liðsmenn eigi að bera sig að næstu daga til þess að vera eins ferskir og unnt er þegar fyrsti kappakstur ársins rennur upp, í Melbourne í Ástralíu komandi sunnudag.

Undir þetta falla ökumenn, þjónustusveitin og æðstu stjórnendur. Vinna þeir úr ráðgjöf læknanna vegna mótsins í Ástralíu og keppnanna í Barein og Kína í kjölfarið.

Breska blaðið The Daily Telegraph segir að með þessu útspili mæti Mercedesliðið til nýrrar keppnistíðar með athyglisvert forskot á önnur lið. Segir blaðið að til að mynda mæti Hamilton með skraddarasniðið svefnplan til þess að sigrast á flugþreytu, þ.e.a.s.truflun sem verður á dægursveiflu líkamans þegar flogið er þvert á tímabelti.

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Íhuguðu að taka Hamilton úr bílnum
• Hamilton færður aftur

» Fleiri tengdar fréttir

• Blogga um frétt