Nico Rosberg stóð nánast á öndinni af undrun yfir lokahring Lewis Hamiltons í tímatökunni í Melbourne. Rosberg er þar þýskum sjónvarpsmönnum til halds og trausts.

Svo fullkominn var hringur Hamiltons og yfirburðir hans á næstu menn, að meira segja gamli liðsfélagi hans gapti.  

Rosberg og Hamilton voru liðsfélagar hjá Mercedes en sá fyrrnefndi hætti keppni eftir að hann vann heimsmeistaratitil ökumanna 2016.

„Þetta var dagur Lewis Hamilton. Upp úr hatti sínu dró hann hringinn á ótrúlega sérstakan máta. Hann negldi hann 100%,“ sagði Rosberg við bresku sjónvarpsstöðina Sky í Melbourne.

„Þegar hann er í þessu formi, þá gætu hinir alveg eins bara pakkað saman og farið heim því engum mun takast að leggja hann að velli,“ bætti Rosberg við.

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Íhuguðu að taka Hamilton úr bílnum
• Hamilton færður aftur

» Fleiri tengdar fréttir

• Blogga um frétt