Hraðasta stoppið og hraðasti hringur
Setja bókamerki
Daniel Ricciardoo hjá Red Bull gerði sér lítið fyrir og átti bæði stysta dekkjastoppið og hraðasta hring kappakstursins í Melbourne.
Liðsstjórinn Christian Horner, sem einnig er Ástrali eins og Ricciardo, hrósaði sínum manni í hástert og sagði frammistöðu hans mikla hvatningu.
Ricciardo vann sig úr áttunda sæti á rásmarkinu í það fjórða á heimavelli sínum og háði lengi keppni um þriðja sætið við Kimi Räikkönen hjá Ferrari.
Ekki voru eins góðar fréttir úr hinum helmingi bílskúrs Red Bull því Max Verstappen missti Kevin Magnussen hjá Haas fram úr sér í fyrstu beygju eftir ræsingu. Snarsnerist hann í annarrai beygju nokkrum hringjum seinna og kvartaði um mikinn vélarhita lengstum. Missti hann svo Fernando Alonso á McLaren fram úr sér þegar 20 hringir voru eftir og þótt yfirleitt munaði ekki nema sekúndu á þeim komst Verstappen aldrei í færi til að reyna framúrakstur. Lauk hann keppni í sjötta sæti.
Vélsleðaslys: Þyrlan kölluð út á mesta forgangi
Veiting hvalveiðileyfis ekki brot á EES-samningi
Tveir í bílnum sem lenti utan vegar
„Á réttri leið en nokkuð í land ennþá“
Banna mengandi búnað sem leyfður er á Íslandi
Handteknir eftir myndatöku í Vesturbæjarlaug
Sex hafa greinst með listeríu