Fernando Alonso hjá McLaren segir það „hryggilegt“ hversu fyrirsjáanleg keppnin í formúlu-1 hefur verið. Tilefni ummælanna er að nýir eigendur formúlu-1 hefja um helgina viðræður um framtíð íþróttarinnar.

Liberty Media ætlar að kynna framtíðarsýn sína fyrir keppnisliðunum í Barein um helgina, en þar fer annað mót ársins fram á sunnudag. Er þar um að ræða verulega breytta framtíð sem á að hefjast árið 2021.

Meðal breytinga eru tillögur um nýtt kerfi verðlaunafjár, um hámark á útgjöldum liða og breytingar á keppnisbílum og loks nýjar vélareglur. Fyrirfram þykir víst að keppnisliðin verði ekki á einu máli um breytingarnar, ekki síst þau sem sogað hafa nær allt verðlaunaféð til sín.

Alonso tjáði sig um fyrirhugaðar breytingar við blaðamenn í Barein. Þar sagði hann fyrst og fremst vilja sjá formúlu-1 bjóða upp á meiri og tvísýnni keppni. Kvaðst hann ósáttur við að úrslitin væru nær alveg ráðin áður en sjálfur kappaksturinn hæfist. Hann kvaðst í dag geta skrifað upp hvernig rásröðin yrði eftir tímatökuna á laugardag og myndi í mesta lagi skjátlast lítillega.  

„Keppnin þarf að vera tvísýnni og harðari, því myndu margir fagna. Þetta ástand hefur verið viðloðandi áður. Ég sá mót frá 1989 eða 1990 í sjónvarpi í síðustu viku. Að frátöldum fyrstu fjórum bílunum voru allir hinir meira en hring á eftir. Samt minnumst við þessa tíma sem gullaldardaga vegna frægra keppenda.

Horfi menn á aðrar bílaformúlur í sjónvarpi, eins og til dæmis kappakstur í IndyCar - systurkeppni formúlu-1 í Bandaríkjunum - blasir við ófyrirsjáanleg lokaröð allt þar til að síðustu 10 hringjunum. Það er meira spennandi að sitja við sjónvarpið við útsendingu frá slíkri keppni.  

Tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• Blogga um frétt