Kimi Räikkönen á Ferrari ók hraðast á þriðju og síðustu æfingu fyrir tímatökuna í Barein. Næsthraðast fór Max Verstappen á Red  Bull og þriðja besta hringinn átti liðsfélagi hans, Daniel Ricciardo.

Lewis Hamilton á Mercedes átti fjórða besta tímann, Sebastian Vettel á Ferrari þann fimmta besta og sjötta besta tímann setti Valtter Bottas hjá Mercedes.

Í sætum sjö til tíu urðu svo Nico Hülkenberg á Renaut, Carlos Sainz á Renault, Pierre Gasly á Toro rosso og Fernando Alonso á McLaren. 

Ökumenn voru annars tregir til þátttöku í æfingunni þar sem tímatakan síðar í dag og kappaksturinn á morgun fara fram við allt aðrar aðstæður. Räikkönen ók einnig hraðast í gær og virðist til alls líklegur. Var hann 0,5 sekúndum fljótari en Verstappen og 0,6 sekúndum á undan Ricciardo. Hamilton var 0,8 sek. á eftir og Bottas 0,9 sek.

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• Blogga um frétt