Sebastian Vettel á Ferrari var í þessu að vinna ráspól kappakstursins í Bakú í Azerbajsan og er það þriðji ráspóll hans í röð. Annar varð Lewis Hamilton á Mercedes og liðsfélagi hans Vallteri Bottas þriðji.
Kimi Räikkönen var á metferð á síðasta hring tímatökunnar og stefndi að því að hrifsa pólinn frá liðsfélaga sínum. Mistök í beygju undir lokin voru dýrkeypt því hann hafnaði í sjötta sæti, á eftir Daniel Ricciardo og Max Verstappen á Red Bull auk fyrrgreindra ökumanna.
Í sætum sjö til tíu urðu - í þessari röð - Esteban Ocon og Sergei Perez á Force India, Nico Hülkenberg og Carlos Sainz á Renault. Lance Stroll og Sergej Sírotkín á Williams urðu í ellefta iog tólfta sæti en í fyrsta sinn á árinu sem Williamsbíll kemst áfram eftir fyrstu lotu af þremur.