Bílum formúlu-1 verður talsvert breytt fyrir næsta ár og er tilgangurinn sagður vera sá að auðvelda og  auka á framúrakstur íþróttinni.

Vegna þessa verða framvængir bílanna gerðir einfaldari og ennfremur kælitrektir bremsukerfanna.

Afturvængurinn verður og breikkaður og dýpri til að hafa áhrif á tog bíla sem á eftir koma.

Forsvarsmenn keppnisliðanna hafa allir samþykkt þessar breytingar. Þeir höfnuðu hins vegar tillögum íþróttarinnar um að einfalda hönnun vindskeiða á hliðum bílanna.  

Af hálfu Alþjóða akstursíþróttasambandsins (FIA) er fullvíst talið að áberandi breytingar verði á keppni á næsta ári með framangreindum breytingum.  Eru það niðurstöður rannsókna sem FIA lét fara fram á ýmsum lausnum.

Breytingin á framvængnum er talin munu draga verulega úr þeirri kviku sem frá bílunum stafar með því vænglagi sem brúkað hefur verið um nokkurra ára skeið. Þeir hafa streymt loftinu út á vængendana og rótað þar upp lofti sem hamlar ökumönnum sem á eftir koma.

Tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• Blogga um frétt