Íþróttir | Formúla 1 | mbl | 4.7.2018 | 9:44

Tímamót hjá Haas

Mynd 1 af 6 Sólin skein á Romain Grosjean og Haas-liððið í Spielberg í Austurríki. AFP

Mynd 2 af 6 Romain Grosjean á ferð á Haasbílnum í Spielberg. AFP

Mynd 3 af 6 Á heiðurshring ökumanna, f.v. Nico Hülkenberg hjá Renault, Romain Grosjean á Haas og Max Verstappen hjá Red Bull. AFP

Mynd 4 af 6 Sólin skein á Romain Grosjean og Haas-liððið í Spielberg í Austurríki. AFP

Mynd 5 af 6 Fernando Alonso var öflugur í Spielberg. AFP

Mynd 6 af 6 Fernando Alonso var öflugur í Spielberg. AFP

Fimmtugasti kappakstur Haas í formúlu-1 var liðinu til mikillar gleði og hvatningar til að standa sig enn betur í framtíðinni. Liðið hafði lofað góðu framan af vertíð en loksins small allt saman í Spielberg í Austurríki.

Í fyrsta lagi jafnaði Haas sinn besta árangur í tímatökum með því að ná fimmta rásstað. Þá hefur bíll liðsins aldrei verið jafn framarlega á rásmarki en Romain Grosjean lauk keppni í fjorða sæti.

Loks fékk Haas fleiri stigu úr austurríska kappakstrinuim en nokkrum öðrum hingað til, eða 22. Hækkaði Haas um tvö sæti í stigakeppninni um heimsmeistaratitil liðanna, lyfti sér upp fyrir McLaren og Force India og er nú í því fimmta.

Keppinautarnir hjá Renault voru án stiga í fyrsta sinn á árinu og verða franska liðið að taka ógnina af Haas alvarlega. Aðeins 13 stig skilja þau að og stigafjöldi Haas í Spielberg er tvöfalt meiri en Renault hefur hlotið í nokkru móti í ár.

Alonso öflugur

Í fyrsta sinn á árinu átti Force India báða bíla í stigasæti í Austurríki. Næstur á eftir þei varð Fernando Alonso sem vann sig upp um 12 sæti frá ræsingu og fram að endamarki. Enginn ökumaður hefur unnið sig upp um jafnmörg sæti í ár en Alonso lauk keppni í áttunda sæti. Hann hefur og lagt liðsfélaga sinn Stoffel Vandoorne að velli í öllum tímatökum ársins.