Íþróttir | Formúla 1 | mbl | 27.7.2018 | 16:04 | Uppfært 17:55

Vettel efstur á seinni æfingunni

Mynd 1 af 9 Neistaflug stóð aftur úr bíl Daniels Ricciardo er hann ók upp á beygjubríkur á seinni æfingu dagsins. AFP

Mynd 2 af 9 Sebastian Vettel ræðir við blaðamenn eftir seinni æfingu dagsins í Búdapest. AFP

Mynd 3 af 9 Sebastian Vettel á seinni æfingunni í Búdapest í dag. AFP

Mynd 4 af 9 Daniel Ricciardo ekur út frá bílskúr Red Bull á seinni æfingunni í Búdapest í dag. AFP

Mynd 5 af 9 Max Verstappen situr fyrir svörum blaðamanna eftir æfingar dagsins í Búdapest. AFP

Mynd 6 af 9 Kimi Räikkönen á seinni æfingunni í Búdapest ídag. AFP

Mynd 7 af 9 Sergej Sírotkín bremsar harkalega á Williamsbílnum í Búdapest í dag. AFP

Mynd 8 af 9 Lewis Hamilton á ferð í Búdapest í dag og eins og sjá má lætur hann vel á bremsurnar reyna. AFP

Mynd 9 af 9 Brautarverðir koma Renaultbíl Nico Hülkenberg í skjól eftir að hann bilaði í Búdapest í dag. AFP

Sebastian Vettel á Ferrari ók hraðast á seinni æfingu dagsins í Búdapest en Max Verstappen á Red Bull var þó í hælunum á honum ók sinn besta hring á aðeins 74 þúsundustu úr sekúndu lakari tíma.

Toppmaður fyrri æfingarinnar, Daniel Ricciardo á Red Bull, átti þriðja besta hringinn, var 0,2 sekúndum lengur í förum en Vettel. Framan af æfingunni höfðu ökumenn mjúkdekk undir en tímarnir breyttust svo hratt er þeir skiptu yfir á ofurmjúk dekk undir lok æfingarinnar,

Í sætum fjögur til tíu á lista yfir hröðustu hringi æfingarinnar urðu - í þessari röð - Kimi Räikkönen á Ferrari, Lewis Hamilton og Valtteri Bottas á Mercedes, Romain Grosjean á Haas, Carlos Sainz á Renault, Pierre Gasly á Toro Rosso og Esteban Ocon á Force India.