Með sigri sínum í belgíska kappakstrinum í Spa náði Sebastian Vettel þeim áfanga að komast fram úr fjórfalda franska heimsmeistaranum Alain Prost.

Sigurinn var sá 52. á ferli Vettels en Prost vann á sínum tíma 51 mót. Með þessum áfanga eru aðeins tveir ökumenn sigursælli en Vettel, þeir Michael Schumacher með 91 sigur og Lewis Hamilton 67. Prost vann sinn síðasta sigur í þýska kappakstrinum árið 1993.
 
Þetta var þriðji sigur Vettels í Spa og í annað sinn á árinu leiddi hann hvern einasta hring kappakstursins. Sama árangri náði Daniel Ricciardo í Mónakó en Hamilton státar ekki af slíkum árangri á árinu, alla vega ekki það sem af er því.

Lewis Hamilton vann ráspól í fimmta sinn í Belgíu sem er met. Fjóra póla höfðu unnið þeir Ayrton Senna, Alain Prost og Juan Manuel Fangio.

Þetta var einnig sjötti ráspóll Mercedes í röð í Spa. Aðeins eru tvö dæmi um að lið hafi unnið oftar í röð. Ferrari vann sjö í röð í Suzuka á árunum 1998 til 2004 og Williams gerði hið sama í Silverstone 1991-97.

Vinni Mercedes ráspólinn í Monza komandi helgi verður það einnig fimmti póll liðsins þar í röð.

Tengdar fréttir

Formúla-1/Ferrari

Ferrari hefur lært lexíu

• Vettel á því að geta landað titli
• Vettel semur við Aston Martin
• Bítast um Vettel
• Arftaki Binotto sagður fundinn

» Fleiri tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• Blogga um frétt