Kvyat fór langhraðast á þriðja degi
Setja bókamerki
Daniil Kvyat á Toro Rosso setti besta hring dagsins á þriðja degi þróunaraksturs formúluliðanna í Barcelona í dag. Hringur hans, þegar aðeins fimm mínútur voru eftir dagsins, mældist á 1:17,704 mínútur.
Kimi Räikkönen á Alfa Romeo (1:17,762) sat lengstan part dagsins í efsta sæti á lista yfir hröðustu hringi en mátti sjá Kvyat fram úr sér í blálokin. Á þeim munaði rúmlega tíundaparti úr sekúndu.Daniel Ricciardo á Renault átti (1:18,164) betri dag en þá tvo fyrstu og setti þriðja besta tímann. Ók hann alls 90 hringi, mun meira en fyrstu tvo dagana.
Ferraribílarnir drottnuðu fyrstu tvo daga æfinganna en í dag varð Sebastian Vettel (1:18,350) í fjórða sæti. Max Verstappen á Red Bull (1:18,787) átti fimmta besta tímann og síðan komu í röð þeir Nico Hülkenberg á Renault (1:18,800), Romain Grosjean á Haas, sem bilaði þrisvar í dag, tvisvar með Grosjean undir stýri og einu sinni er reynsluökumaðurinn Pietro Fittipaldi spreytti sig.
Williamsliðið hóf æfingar í dag með 23 hringja akstri George Russell. Besti tími hans var fimm sekúndum lakari en hjá næsta manni á undan. Ökumenn Mercedes óku samtals 182 hringi í dag - tæplega þrefalda keppnislengd - en Valtteri Bottas (1:20,693) og Lewis Hamilton (1:20,818) skiptust á um að keyra.
Alls ók Räikkönen 138 hringi, Kvyat 137, Vettel 134 og Verstappen 107.
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
„Það þarf að vinna mikinn fjölda upp“
Verðbólgan komin niður í 6%
Hernaðaraðstoð samþykkt – Vopnasendingar í vikunni
Vélsleðaslys: Þyrlan kölluð út á mesta forgangi
Handtekin eftir að tvö börn fundust látin
Árshátíð ríkislögreglustjóra haldin í Tékklandi