Lewis Hamilton var í þessu að vinna ráspól ástralska kappakstursins í Melbourne eftir einvígi við liðsfélaga sinn Vallteri Bottas sem átti besta tímann fyrir lokahring tímatökunnar.Að lokum munaði 0,1 sekúndu á þeim.

Mercedesbílarnir höfðu nokkra yfirburði á bíla Ferrari þegar á reyndi því Sebastian Vettel var 0,7 sekúndum lengur með hringinn en Hamilton. Liðsfélagi Vettels, Charles Leclerc, hafnaði í fimmta sæti en upp á milli Ferrarimannanna skaust Max Verstappen á Red Bull, sem var rúmlega 0,8 sekúndum lengur í förum en Hamilton.

Í sætum sex til tíu urðu - í þessari röð - Romain Grosjean og Kevin Magnussen á Haas, Lando Norris á McLaren, Kimi Räikkönen á Alfa Romeo og Sergei Perez á Racing Point.

Heimamaðurinn Daniel Ricciardo á Renault varð í aðeins tólfta sæti, einu á eftir liðsfélaga sínum Nico Hülkenberg.

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• Blogga um frétt