Mercedesliðinu var skipað í dag að gera úrbætur á framvæng keppnisbílsins eftir að vængurinn var dæmdur ólöglegur.

Fulltrúar Alþjóða akstursíþróttasambandsins uppgötvuðu ólögmæti vængsins í Sjanghæ í dag en endaplötur vængsins reyndust sveigjast óhóflega mikið upp á ferð í þeim tilgangi að beina auknum loftstraumi út til hliðanna og auka á vængpressuna.