Charles Leclerc á Ferrari var í þsesu að vinna ráspól austurríska kappakstursins í Spielberg í Steyrufjöllum. Brautarmetið lét undan álaginu. Annar varð Lewis Hamilton á Mercedes og þriðji Max verstappen á Red Bull.
Þetta er annar ráspóll Leclerc á árinu og annar á ferlinum. Liðsfélagi hans Sebastian Vettel gat ekkert ekið í lokalotu tímatökunnar vegna bilunar sem tæknimenn Ferrari höfðu ekki nægan tíma til að leysa. Hlutskipti hans í tímatökunni varð því tíunda sæti.
Ráspólshafi í Spielberg undanfarin tvö ár, Valtteri Bottas á Mercedes varð fjórði nú, hálfri sekúndu á eftir Leclerc.
Í sætum fimm til tíu - í þessari röð - urðu Kevin Magnussen á Haas, Lando Norris á McLaren, Kimi Räikkönen og Antonio Giovinazzi á Alfa Romeo, Pierre Gasly á Red Bull og svo Vettel.
Gasly brest fyrir tilveru sinni
Hermt er að Gasly heyi nú hálfgerða lífsbaráttu til að halda sæti sínu í Red Bull sem þykir of mikill munur á þeim Verstappen. Í tímatökunni í dag var Verstappen 1,2 sekúndum á undan á stystu braut ársins í formúlu-1. Vofir yfir Gasly að þurfa víkja fyrir Daniil Kvyat hjá Toro Rosso og taka sæti hans hjá dótturliðinu.