Þriðji ráspóll Leclerc
Setja bókamerki
Ökumaðurinn ungi hjá Ferrari, Charles Leclerc, vann ráspól belgíska kappakstursins rétt í þessu. Annar varð liðsfélagi hans Sebastian Vettel og þriðji Lewis Hamilton hjá Mercedes.
Leclerc var ósnertanlegur alla tímatökuna út í gegn og var 0,7 sekúndum fljótari með hringinn en Vettel, sem náði góðum seinni hring í lokalotunni og tryggði sér með því annað sætið á rásmarki morgundagsins.Átti Hamilton ekkert svar við honum.
Í sætum fjögur til tíu urðu - í þessari röð - Valtteri Bottas á Mercedes, Max Verstappen á Red Bull, Daniel Ricciardo og Nico Hülkenberg á Renault, Kimi Räikkönen á Alfa Romeo, Sergio Perez á Racing Point og Kevin Magnussen á Haas.
Tvisvar varð að gera hlé á tímatökunni vegna vélarbilana. Fyrst gaf Mercedesvél í Williamsbíl Roberts Kubica, og síðar vél í Alfa Romeo bíl Antonio Giovanazi.
Þeir Ricciardo og Hülkenberg færast aftur um fimm sæti á rásmarki morgundagsins vegna vélarmála.
Handtekin eftir að tvö börn fundust látin
Tveir í bílnum sem lenti utan vegar
Verðbólgan komin niður í 6%
Skar höfuðleðrið af íslenskri konu
„Okkur miðar í rétta átt“
Vona að Orkustofnun veiti ekki virkjunarleyfi
Tóku upp hanskann fyrir leikskólabörn
„Hvílir mikil leynd yfir þessu öllu“