Lewis Hamilton gæti jafnað eitt af mörgum metum Michaels Schumacher í ungverska kappakstrinum komandi sunnudag.
Schumacher vann ungverska kappaksturinn á sínum tíma átta sinnum. Hamilton hefur setið sjö sinnum á efsta þrepi verðlaunapallsins í Búdapest og gæti því jafnað met heimsmeistarans fyrrverandi.
Schumacher vann á sínum tíma alls 91 mót í formúlu-1 sem er met. Með hverjui mótinu sem líður virðist stefna í að það met falli - í skaut Hamiltons. Hann vann síðastliðinn sunnudag sitt 85. mót og það með þvílíkum yfirburðum að ljóst þykir að hann eigi eftir að bæta nokkrum sigrum í safnið.
Hamilton kveðst hlakka til næstu móta, í Búdapest og Montreal. Þær brautir henta Mercedesbílnum en sömu sögu er að segja um Red Bull, bílar þess hafa verið afar harðir í horn að taka þar.