Ökuþórinn Lewis Hamilton, sem vann öruggan sigur í ungverska kappakstrinum í formúlu-1 á sunnudaginn, segir skammarlegt hversu lítið íþróttin hefur gert til að styðja við þá sem berjast gegn kynþáttafordómum og órétti.
Hamilton sýndi Black Lives Matter-hreyfingunni stuðning um helgina þegar hann kraup á hné fyrir kappaksturinn en mikil mótmæli hafa ríkt undanfarnar vikur gegn kynþáttamisrétti og lögregluofbeldi í Bandaríkjunum í kjölfar andláts Georg Floyds sem lést í haldi lögreglunnar er lögregluþjónn kraup á hálsi hans í lengri tíma.
Ekkert útbreitt átak á vegum formúlunnar átti sér stað og hefur Hamilton, í tilfinningaríkri færslu á Instagram-síðu sinni, gagnrýnt aðgerðarleysið. „Það er skammarlegt hve mörg lið hafa ekki tjáð sig um misréttið og að ekki hafi fundist tími til að skipuleggja aðgerðir til að sýna baráttunni gegn rasisma samstöðu,“ skrifaði Hamilton meðal annars í færslu sinni.
View this post on InstagramA post shared by Lewis Hamilton (@lewishamilton) on Jul 19, 2020 at 12:41pm PDT