Lance Stroll hjá Racing Point vann í dag ráspól tyrkneska kappakstursis sem fram fer í Istanbúl á morgun. Annar varð Max Verstappen á Red Bull.
Ráspóllin er sá fyrsti sem Stroll vinnur og sá fyrsti kanadísks ökumanns frá því Jacques Villeneuve vann ráspól á Williamsbíl 1997, en hann hampaði heimsmeistaratitli ökumanna það ár.
Í þriðja sæti í Istanbúl varð Sergio Perez liðsfélagi Stroll, fjórði Alex Albon á Red Bull, fimmti Daniel Ricciardo á Renault og heimsmeistarinn Lewis Hamilton á Mercedes sjötti.
Í sætum sjö til tíu á rásmarkinu á morgun verða Esteban Ocon á Renault, Kimi Räikkönen á Alfa Romeo, Valtteri Bottas á Mercedes og Antonio Giovinazzi á Alfa Romeo.
Ökumenn Ferrari urðu í aðeins 12. (Vettel) og 14. sæti (Leclerc).