Bandaríska Formúlu 1-liðið Haas hefur tilkynnt að Daninn Kevin Magnussen hafi samið við liðið að nýju og muni aka fyrir það á komandi tímabili.
Um helgina rak Haas rússneska ökuþórinn Nikita Mazepin eftir innrás Rússlands í Úkraínu. Dmitry Mazepin, faðir Nikita, er eigandi einnar stærstu efnaverksmiðju Rússlands og er vinur Vladimírs Pútíns, Rússlandsforseta.
Hinn 29 ára gamli Magnussen snýr nú aftur í Formúluna eftir að hafa ekið fyrir Haas á árunum 2017 til 2020 og þar áður fyrir Renault og McLaren á árunum 2014 til 2016.