Þýski ökuþórinn Sebastian Vettel hefur jafnað sig á kórónuveirunni og mun hann keyra fyrir Aston Martin í Ástralíukappakstrinum í Formúlu 1 um þarnæstu helgi.
Vettel missti af tveimur fyrstu keppnum tímabilsins í Barein og Sádi-Arabíu vegna veirunnar en landi hans Nico Hulkenberg leysti Vettel af hólmi í keppnunum tveimur.
Vettel, sem hefur fjórum sinnum orðið heimsmeistari með Red Bull, hefur þrívegis unnið Ástralíukappaksturinn.