Ökuþórinn Max Verstappen, heimsmeistari í Formúlu 1 og liðsmaður Red Bull, kom fyrstur í mark í belgíska kappakstrinum í dag eftir að hafa byrjað í fjórtánda sæti.
Þetta var afar góður dagur fyrir Red Bull liðið þar sem Sergio Perez tók annað sætið.
Carlos Sainz, liðsmaður Ferrari, tókst að komast á verðlaunapall eftir að hafa haft betur gegn George Russell, liðsmanni Mercedes, í baráttunni um þriðja sætið.
Fernando Alonso sem ekur fyrir Alpine endaði í fimmta sæti og Charles Leclerc kom sjötti í mark.
Lewis Hamilton datt þá snemma úr leik eftir árekstur við Alonso á fyrsta hring.
Yfirburðir Max Verstappen á tímabilinu er gríðarlegir en Hollendingurinn leiðir með 284 stig. Næstur á eftir honum er liðsfélagi hans hjá Red Bull með 191 stig, Sergio Perez. Leclerc er þriðji með 186 stig.