Ólafur ráðinn landsliðsþjálfari?

Samkvæmt traustum heimildum mbl.is verður Ólafur Jóhannesson, fyrrum þjálfari FH-inga, næsti þjálfari íslenska landsliðsins í knattspyrnu. KSÍ hefur boðað til fréttamannafundar í dag þar sem landsliðsþjálfarinn verður kynntur til sögunnar en sem kunnugt er var samþykkt á stjórnarfundi KSÍ á laugardag að framlengja ekki samninginn við Eyjólf Sverrisson en samningur hans við KSÍ rennur út á miðvikudag.

Ólafur ákvað á dögunum að hætta sem þjálfari FH-inga en hann náði frábærum árangri með Hafnarfjarðarliðið. Undir hans stjórn varð FH Íslandsmeistari þrjú ár í röð, 2004, 2005 og 2006 og varð bikarmeistari í ár í fyrsta sinn í sögu félagsins.

• 2 blogg um fréttina

Bloggað um fréttina

• Gísli Foster Hjartarson: Hvað liggur á?
• Haukur Nikulásson: Guðjón hefði hentað betur en Ólafur