Unglinga- og varalið PSV Eindhoven í Hollandi sigraði Go Ahead Eagles 2:1 í hollensku 1. deildinni í kvöld.
Hjörtur Hermannsson lék allan leikinn í hjarta varnarinnar en hann hefur verið lykilmaður í liðinu á þessari leiktíð. Þetta var fimmtándi leikur hans á þessari leiktíð.
Albert Guðmundsson kom inná sem varamaður þegar sex mínútur lifðu leiks en hann var að leika sinn fjórða leik fyrir liðið.
PSV er í 14. sæti deildarinnar með 21 stig eftir 19 leiki.
Hjörtur er í íslenska A-landsliðinu sem mætir Bandaríkjunum í vináttuleik í lok janúar en leikurinn fer fram í Los Angeles.