Skelfileg tilraun - myndskeið

Vítaspyrna Lionel Messi gegn Celta Vigo á dögunum virðist heldur betur vera að smita knattspyrnumenn um allan heim, en þeim hefur þó gengið misvel að leika sama leik.

Messi bauð upp á frábæra vítaspyrnu gegn Celta Vigo en hann lagði þá boltann út á Luis Suarez sem skoraði örugglega. Þegar besti knattspyrnumaður heims tekur slíka spyrna þá eru allar líkur á því að aðrir reyni sömu tækni og var það raunin.

Dynamos FC frá Zimbabwe sigraði WhaWha 4:0 í vináttuleik á dögunum en undir lok leiksins fékk Dynamos vítaspyrnu. Roderick Mutuma lagði þá knöttinn út á Valentine Ndaba, en varnarmenn WhaWha pressuðu strax á Ndaba sem klúðraði síðan færinu.

Hægt er að sjá vítaspyrnuna hér fyrir neðan.

• Blogga um frétt