Forsetakjör Alþjóðaknattspyrnusambandsins, FIFA, fer fram í dag. Þá munu 207 fulltrúar víðsvegar að úr heiminum koma saman í Zürich í Sviss til að velja eftirmann Sepp Blatter.
Blatter lætur af störfum eftir að hafa stýrt sambandinu frá árinu 1998. Hann var fyrr í vetur úrskurðaður í átta ára bann frá afskiptum af knattspyrnu og má því ekki koma nærri kjörinu.
Fimm eru í kjöri eða þeir, Salman bin Ebrahim al-Khalifa, Gianni Infantino, Ali bin al-Hussein, Tokyo Sexwale og Jerome Champagne.
Kjörið hefst kl. 12 að staðartíma en hugsanlega þarf að kjósa nokkrum sinnum áður en nýr forseti lítur dagsins ljós.