Færeyska U17 ára landslið karla í knattspyrnu hefur tryggt sér þáttökurétt á EM í Króatíu sem fram fer í maí. Liðið vann Slóvakíu, 2:1, í milliriðli á Kýpur í dag og tryggði sér í leiðinni farseðil á mótið.
Færeyingar hafna í 2. sæti milliriðilsins með fjögur stig, fimm stigum á eftir Írum sem tóku toppsætið og nægir það þeim til að komast í lokakeppnina. Slóvakía var í þriðja sæti með þrjú stig og Kýpur rak lestina með eitt stig.
Þetta er í fyrsta skipti í sögunni sem knattspyrnulandslið Færeyja kemst á lokamót.