„Það gat enginn ímyndað sér að leikurinn myndi fara svona, þetta var allt eða ekkert fyrir bæði lið. Spartak er með mjög gott lið og það er erfitt að spila á móti því. Við byrjuðum hins vegar mjög vel og við þurftum varla að verjast," sagði Jürgen Klopp, knattspyrnustjóri Liverpool eftir 7:0-sigur sinna manna á Spartak Moskvu í Meistaradeild Evrópu í kvöld. Liverpool tryggði sér toppsæti E-riðils með sigrinum.
Staðan var orðin 3:0 eftir tæplega 20 mínútur.
„Það hjálpar auðvitað að skora snemma og ég sagði við strákana í hálfleik að við vildum læra af mistökum og bæta enn meira í eftir hlé. Ég get ekki kvartað yfir neinu í kvöld."
Klopp á sér ekki óskamótherja í næstu umferð en segist venjulega fá Liverpool í Meistaradeildinni.
„Mér er sama hvað við fáum í næstu umferð. Ég fæ venjulega Real Madrid en við skulum bíða og sjá," sagði Klopp.