Rúnar Már Sigurjónsson lék í dag sinn fyrsta leik fyrir svissneska knattspyrnuliðið St. Gallen. Rúnar gerði lánssamning við félagið á mánudaginn var, en hann er samningsbundinn Grasshoppers, sem einnig leikur í Sviss.
Landsliðsmaðurinn var í byrjunarliðinu sem lagði Dynamo Kiev frá Úkraínu, 2:0, í æfingaleik á Spáni. Hann var tekinn af velli í hálfleik, en St. Gallen skipti stillti upp tveimur mismunandi liðum í sitt hvorum hálfleiknum í dag.
Fyrsti deildarleikur St. Gallen á árinu er þann 3. febrúar næstkomandi.