Íþróttir | Fótbolti | mbl | 23.2.2018 | 16:29

Glæsileg tilþrif Guðjóns dugðu ekki til

Guðjón Baldvinsson spilaði vel en það dugði ekki til sigurs.
Guðjón Baldvinsson spilaði vel en það dugði ekki til sigurs. Ljósmynd/Twitter-síða Kerala

Guðjón Baldvinsson og liðsfélagar hans í Kerala Blasters í indverska fótboltanum gerðu markalaust jafntefli við Chennaiyin á heimavelli í efstu deild þar í landi í dag. Guðjón náði í vítaspyrnu á 53. mínútu eftir glæsilegan sprett en Courage Pekuson brást bogalistin á vítapunktinum. 

Guðjón var líflegur í leiknum og átti nokkrar tilraunir að marki gestanna. Karanjit Singh í markinu spilaði hins vegar gríðarlega vel. Guðjón lék í fremstu víglínu og var Dimitar Berbatov, fyrrum leikmaður Manchester United og Tottenham, fyrir aftan hann. Wes Brown lék svo allan tímann í hjarta varnarinnar. 

Leikurinn var gríðarlega mikilvægur, en með sigri hefði Kerala komist upp í 4. sæti deildarinnar. Efstu fjögur liðin leika til úrslita um Indlandsmeistaratitilinn. Kerala er sem stendur í 5. sæti þegar einn leikur er eftir af deildarkeppninni, einu stigi á eftir Jamshedpur, sem á leik til góða. Takist Jamshedpur að vinna topplið Bangaluru á morgun, eru Guðjón og félagar úr leik í baráttunni um titilinn. 

Takist það hins vegar ekki fær Kerala eitt tækifæri í viðbót og getur náð fjórða sætinu með sigri í síðasta leiknum og hagstæðum úrslitum annars staðar. Hér að neðan má sjá glæsileg tilþrif hjá Guðjóni er hann nældi í vítaspyrnuna.

Guðjón hitar upp ásamt liðsfélögum sínum í dag.
Guðjón hitar upp ásamt liðsfélögum sínum í dag. Ljósmynd/Twitter-síða Kerala
mbl.is
Fleira áhugavert
Færa slökkviliðið til nútímans Kvikan virðist nú skiptast til helminga Ofsóttur innan veggja Boeing Hyggjast leyfa fólki að skoða gosið
Fleira áhugavert
Telur eyðsluna munu rjúka upp úr öllu valdi 29 nautgripir fundust dauðir Þrjú og hálft ár fyrir skotárás í Úlfarsárdal Gerir ráð fyrir 150 samningum í næstu viku