Liðin sem léku til úrslita i Meistaradeild Evrópu í knattspyrnu karla á síðasta ári, Juventus og Real Madrid, drógust saman í átta liða úrslitum keppninnar að þessu sinni, en dregið var fyrir fáeinum mínútum í höfuðstöðvum UEFA, Knattspyrnusamabands Evrópu.
Evrópumeistara Real Madrid eiga síðari leikinn á heimavelli.
Ensku liðin Liverpool og Manchester City drógust einnig saman.
Barcelona – AS Roma
Sevilla – Bayern München
Juventus – Real Madrid
Liverpool – Manchester City
Fyrri viðureignir átta liða úrslita fara fram 3. og 4. apríl og þær síðari í vikunni á eftir, 10. og 11. apríl.
Dregið verður til undanúrslita 13. apríl.
Undanúrslitin eru ráðgerð 24. og 25. apríl annarsvegar og 1. og 2. maí hinsvegar.
Úrslitaleikur Meistaradeildarinnar 2018 verður háður á Ólympíuleikvanginum í Kænugarði í Úkraínu laugardaginn 26. maí.