Aron Jóhannsson, leikmaður þýska knattspyrnuliðsins Werder Bremen, hefur þurft að draga sig út úr bandaríska landsliðshópnum fyrir vináttuleikinn gegn Paragvæ síðar í þessum mánuði.
Aron var valinn í landsliðshópinn í fyrsta sinn í 16 mánuði en hann lék síðast með bandaríska landsliðinu í september 2015.
„Fyrir leikinn á móti Köln var hann í vandræðum með hásinina. Á laugardaginn í leiknum á móti Augsburg fékk hann högg á hásinina sem gerði verkinn meiri. Við komust því að þeirri ákvörðun í samráði við bandaríska landsliðið að hann yrði um kyrrt í Bremen þar sem hann mun jafna sig í stað þess að vera með í landsliðshópnum fyrir leikinn á móti Paragvæ.
Þetta er mikil vonbrigði fyrir Aron sérstaklega þar sem hann valinn í landsliðshópinn í fyrsta skipti í nokkurn tíma,“ segir Florian Kohfeldt þjálfari Werder Bremen á vef félagsins en Aron kom inná í leiknum við Augsburg og lék síðustu mínútur leiksins.
Aron, sem hefur verið óheppinn með meiðsli síðustu árin, hefur komið við sögu í 10 leikjum með Werder Bremen í deildinni á tímabilinu og hefur í þeim skorað eitt mark og þá skoraði hann eitt mark í þýsku bikarkeppninni. Hann á að baki 19 leiki með bandaríska landsliðinu og hefur í þeim skorað 4 mörk.