Messi æfir á æfingasvæði Real Madrid

Lionel Messi á landsliðsæfingu Argentínumanna í Manchester í dag.
Lionel Messi á landsliðsæfingu Argentínumanna í Manchester í dag. AFP

Lionel Messi mun æfa á æfingasvæði Real Madrid í næstu viku þar sem hann er í argentínska landsliðshópnum sem mætir Spánverjum í vináttuleik í fótbolta á þriðjudaginn eftir viku.

Verður það eflaust sérstök tilfinning fyrir Messi að æfa hjá Real, þar sem hann er goðsögn hjá erkifjendunum í Barcelona. Búast má við því að Zinedine Zidane, knattspyrnustjóri Real Madrid verði á svæðinu, ásamt þeim leikmönnum sem ekki voru valdir í landslið sinna þjóða. 

Argentína mætir Ítalíu á Etihad-vellinum í Manchester á föstudagskvöldið og svo Spánverjum á þriðjudaginn kemur á Wanda Metropolitano, heimavelli Atletico Madríd. 

mbl.is
Fleira áhugavert
Fleira áhugavert