Real Madrid sigraði botnlið Málaga með tveimur mörkum gegn einu í spænsku 1. deildinni í knattspyrnu í kvöld.
Isco kom Madrídingum yfir eftir hálftíma leik með marki beint úr aukaspyrnu. Casemiro tvöfaldaði síðan forystuna á 63. mínútu eftir stoðsendingu frá Isco.
Rolan minnkaði muninn fyrir Málaga á síðustu andartökum leiksins en sigurinn var þó aldrei í hættu.
Cristiano Ronaldo fékk frí eftir að hafa tryggt Real Madrid áfram í Meistaradeildinni í síðustu viku.
Real er í 3. sæti deildarinnar með 67 stig, 15 stigum á eftir toppliði Barcelona, en Málaga er í 20. og neðsta sæti með 17 stig.